యువతరం రాజకీయాలు -జ్యోతిష్య విశ్లేషణ

నేడు దేశమంతా యువమంత్రం జపిస్తోంది.125 సంవత్సరాల చరిత్రకలిగిన కాంగ్రెస్ పార్టీ రాహుల్ గాంధీ వైపు ఆశగా చూస్తోంది.భావి ప్రధాని రాహులేనంటూ బహిరంగంగా ప్రకటిస్తోంది.అదే స్పూర్తితో బీజేపీ కూడా వాజ్ పేయ్,అద్వానీ వంటి వారిని పక్కకి జరిపి సుష్మాస్వరాజ్,అరుణ్ జైట్లీ,నరేంద్రమోడీ,గడ్కరీ,వరుణ్ గాంధీ వంటి యువనేతలను తెరపైకి తెస్తోంది.అలాగే లెఫ్ట్ పార్టీలు కూడా ప్రకాష్ కారత్ వంటి యువనాయకుల నాయకత్వంలో నడుస్తున్నాయి.నేడు యువత అన్ని రంగాల్లోనూ దూసుకుపోతోంది.అలాగే రాజకీయ రంగంలోనూ.ఇంతకుముందు రాజకీయాలంటే వెనకడుగు వేసే యువకులు ఇప్పుడు రాజకీయాల పట్ల ఆసక్తి చూపుతున్నారు.చేంజ్ అంటూ ఒబామా ఇచ్చిన స్ఫూర్తితో యువత ముందుకు కదులుతున్నారు. మన రాష్ట్రంలో కూడా యువకుడైన కిరణ్ కుమార్ రెడ్డి ముఖ్యమంత్రిగా బాధ్యతలు నిర్వర్తిస్తున్నారు.అలాగే యువకుడైన జగన్ రాష్ట్ర రాజకీయాలలో కీలకపాత్ర పోషిస్తున్నాడు.అలాగే అన్ని సంఘాలు,అసోసియేషన్లను యువకులే నిర్వహిస్తున్నారు.కొంతమందిలో పుట్టుకతోనే నాయకత్వ లక్షణాలను గుర్తించవచ్చు.అలాగే మరికొంత మందిలో ఆయా పరిస్థితులను బట్టి నాయకత్వ లక్షణాలు బయటపడతాయి.మనలో నాయకత్వ లక్షణాలను గుర్తించి మెరుగుపర్చుకున్నట్లయితే మంచి నాయకుడిగా తయారుకావొచ్చు.జ్యోతిష్య శాస్త్ర పరంగా నాయకత్వ లక్షణాలను సులభంగా గుర్తించవచ్చు.జ్యోతిష్యపరంగా యువ నాయకులకు ఉండవలసిన ప్రధాన బలం గ్రహాల అనుకూలత.వీటిలో ప్రధానమైనవి 4.

1)గురుడు-జ్ఞానానికి కారకుడు

2)శని-ప్రజాదరణ కారకుడు

3)కుజుడు -భుజబలకారకుడు

4)రాహువు-మాయతో మర్మంతో అందరి మన్నన పొందడానికి కారకుడు..

.ఎంతటి నాయకులకైనా ప్రజాదరణ ముఖ్యం..అటువంటి ప్రజాదరణకు కారకమైనది శని .కొన్ని సార్లు ఎంతగా ప్రయత్నించినా ఎన్ని మంచిపనులు చేసినా ప్రజాదరణ లభించకపోవచ్చు దానికి కారణం ఆ గ్రహా బలం తగ్గడం..ఆయా గ్రహాలను బట్టి సరైన రెమిడీలు పాటించినట్లైతే గొప్ప నాయకులుగా గుర్తింపుపొందే అవకాశముంది.పైన చెప్పిన నాలుగు గ్రహాలలో ఏ గ్రహబలం తగ్గినా లేదా బలహీనంగా ఉన్నా,నీచ స్థానంలో ఉన్నాయువనాయకుల ఆలోచనలలో మార్పు వచ్చే అవకాశం ఉంటుంది.అందువల్ల యువనాయకులు పైన చెప్పిన ఏ బలం తగ్గిందని భావన కలిగినా ..ఆ గ్రహా సంబంధమైనపరిహారాలను చేసినట్టైతే తప్పక మార్పు కనిపిస్తుంది. ఇది చాలా అవసరం ఒక్కసారి ప్రయత్నించి చూడండి.మంచి ఫలితాలను మీరే పొందుతారు.

            

  .నేటి యువకులే రేపటి నాయకులు ..దేశాన్నినడిపించేది నాయకులే కాబట్టి అటువంటి యువనాయకులు సమర్థులైతే దేశం సస్యశ్యామలమౌతుంది.కాబట్టి .అటువంటి యువకులకు జ్యోతిష్యపరంగా కొన్ని సూచనలు ఇవ్వడం మంచిదని భావిస్తున్నాను.

             -మంధా వెంకట సూర్యనారాయణశర్మ